[مقال] معلومات ونصائح قبل زواجك من مصمم جرافيك

بسم الله الرحمن الرحيم
السلام عليكم ورحمة الله وبركاته

اهلا بكم اعزائي زوار مدونة برو بى اس الغاليين
كيفكم يا طيبيين  .. أن شاء الله يكون الجميع بخير دائماً

ملحوظة : هذة المدونة ليست فقط الا للتصميم والتقنية وهذا المقال مجرد فكاهة لا أكثر

اليوم سوف نتكلم في هذا مقال فكاهة عن المصممين وزوجات المصممين الجدد

ماذا لو تقدم إليكى عريس وكان هذا العريس مصمم ؟!

سوف نعلمك في هذا المقال عن افعاله وردود افعاله عن كل شئ

حتى لا تستعجبي من ردود افعاله التى سوف تشهديها على مرور الزمن

ندخل فى المقال علي طول :D 

معلومات لكل عروسة او زوجة مصمم جرافيك

 ------------------------------------------------------

1- مصمم الجرافيك يتمتع بشخصية غريبة ، مودى الى درجة كبيرة جداً.

2- بيعشق الكركبة وبيلاقى نفسة فيها قوى ، ولو سبتية لوحدة فى البيت متفكريش انك لما ترجعى هتلاقية زى ما كان !!.

3- عنده استعداد انه يشترى اى منتج غريب لمجرد ان شكل العلبة لفت نظرة.

4- لو لبستى فستان جديد ، اول حاجة هيعملها انه يعرف درجات الالوان ولو حاطة مكياج ،،عادى جدا انك تسمعية بيقولك اللون السيان اللى فوق عنيكى محتاج يخف شوية والماجينتا يعلى كام درجة.

5- هتلاقى بيتك مليان كتب ومجلات غريبة جدا مش هتفهمى منها اى حاجة وياويلك لو فكرتى ترمى كتاب منهم.

6- مصمم الجرافيك انسان يعشق الصور ، اكتر منك انتى شخصيا.

7- ممكن يقعد طول الليل والنهار يعمل دونلود لصور من النت .. مش بيزهق ابدا.

8- فى العادة بيكون مدمن كمبيوتر.

9- هيزعل قوى لو كان شغال فتصميم والكمبيوتر هنج ومعملش حفظ ، زى زعله بالظبط على حد عزيز عليه و مات.

10- مشكلة انه بيحترم اى حد حتى لو ميعرفوش، لمجرد ان الحد دة اعجب بتصميماته ، وعادى جدا لو لقيتية بيمدح فى الشخص دة اكنه يعرفوا من 10 سنين !!.

11- هيياخد رئيك فى كل شغلة ، فتفتكرى انك بقيتى مهمة طبعا .... بس هتكتشفى الحقيقة المرة لما تلاقى انة مش بياخد الا برئيه هو وبس.

12- يعشقون افلام الكرتون جداً.

13- انقطاع الانترنت بمسابة الغرق فى المحيط الهادى .. هما الاتنين واحد.

14- لما تبقى ماشة معاه فى الشارع متندهشيش لو لقتية بيبص على كل يفطة متعلقة فى الشارع.

15- اى حاجة الناس هتفهمها بشكل ؛ لكن لانه عبقرى ؛ فـ هيفهمها بشكل تانى خالص.

16- دائماً يتخيل انه ممكن ينقذ العالم من خلال تصميم بوستر واحد.

17- لو فى يوم اخدك فى اى مطعم لازم اول حاجة يعملها ، ينتقد تصميم المنيو وبعدين يبص على ديكور المحل اللى اكيد مش هيعجبه برضو.

18- الموسيقى اللى بيسمعها .. غريبة جدا.

19- لو قام يطبخ أكل ... مش هيكون اكل عادى ، بالعكس ، هتلقية بيجرب خلط اكلات غريبة ... وانتى وحظك بقى.

20- اى موقف عابر بيحصلة او بيشوفة فى الشارع ، تلاقية طلع الموبايل وصوره وعلطول ينزله فى فيس بوك مع تعليق سخيف على الموقف.

21- قمة السعادة انه يسمع ان شركة ادوبى نزلت اصدار جديد من فوتوشوب.

22- لما بيشوف اى حاجة ، بيكون شايفة بعين الماتركس Cmyk - Rgb

نصيحة ... فكرى كويس

اللهم بلغت اللهم فاشهد xp هههههههه

وشكرا خاص للأخ [ Malek Zitouni ]

وانتظرو دائماً مننا كل ماهو جديد

في مدونة { برو بي اس ~ 

؛ في إمان الله ورعايته ؛